حضرت محمدمصطفی صلی اللہ علیہ وسلم دی شان اچ گستاخی کرݨ آلے اہل مغرب مسلماناں توں معافی منگن، وزیراعظم عمران خان

اسلام آباد۔17اپریل (اے پی پی) وزیراعظم عمران خان آکھیا جو حضرت محمدمصطفی صلی اللہ علیہ وسلم دی شان اچ گستاخی کرݨ آلے اہل مغرب مسلماناں توں معافی منگن۔نبی پاک صلی اللہ علیہ وسلم دی شان اچ گستاخی کرݨ آلیاں دے خلاف اوہو کجھ کیتا ونڄے جیڑھا ہولوکاسٹ دے خلاف تبصرہ تے اپنایا ویندے۔ ہفتے کوں آپݨے ٹویٹ اچ انہاں آکھیا جو میں ساریاں تے نشابر کرݨ چاہنداں جو اساݙی حکومت تحریک لبیک پاکستان دے خلاف انسداددہشت گردی قانون دے تحت اوں ویلھے کاروائی کیتی جڈاں انہاں ریاستی عملداری کوں للکاریے اتے فساد کھنڈائے۔ انہاں آکھیا جو کوئی وی قانون توں اُتے کائنی۔ انہاں آکھیا جو دائیں بازو دے انتہاپسند سیاستداناں سودھے اہل مغرب دا او طبقہ جیڑھا جو آزادی اظہار رائے دی آڑ اچ جاݨ بجھ کراہیں ایجھی شر انگیزیاں کوں ہوا ݙیندے، نشابر طور اخلاقی احساس اتے حوصلے توں محروم اے اتے ایں آزادی تے 1.3 ارب مسلماناں توں معذرت کرے۔

مضمون کا ماخذ : پاور بال انعامات

متعلقہ مضامین