افغانستان اچ امن نال خطے اچ خوشحالی امسی، دنیا کیتے کاروباری موقعیاں دا رستہ کھلسی، صدر مملکت ڈاکٹرعارف علوی دا ”خلیج ٹائمز“ کوں انٹرویو

اسلام آباد۔11اکتوبر (اے پی پی) صدر مملکت ڈاکٹرعارف علوی آکھیا جو افغانستان اچ امن نال خطے اچ خوشحالی امسی، دنیا کیتے کاروباری موقعیاں دا رستہ کھلسی جئیں نال وسطی ایشیائی ریاستیاں نال رابطہ ٻݨسی۔ متحدہ عرب امارات دے دورہ دے موقع تے ”خلیج ٹائمز“ کوں انٹرویو اچ انہاں آکھیا جو افغانستان اچ تباہی دا مطلب پاکستان تے ٻئے مہاجرین دا ٻوجھ ہوسی، پاکستان ہمسائے ملک اچ عدم استحکام نی چاہندا، خؤاہش اے جو ملک اچ سارے متعلقہ سیاسی فریین دی نمائندگی کرݨ آلی ہک جامع حکومت ٻݨ ویسی۔ صدرمملکت افغانستان اچ حکومت دی تبدیلی اچ پاکستان دے کردار دے تاثر کوں مسترد کریندیں ہوئیں آکھیا جو اساں صرف انسانی بنیاداں تے طالبان دی مدد کریندے پیوں کیونجو افغانستان دی عوام پابندیاں اتے فنڈز دی بندش پاروں اوکھ اچ اے۔ انہاں آکھیا جو افغانستان اچ استحکام پاکستان دے فائدے اچ اے، امریکا افغانستان توں جلدی اچ انخلا کیتا اتے اے افغانستان دے مسئلے دے کوئی فوجی حل کائنی۔ ڈاکٹرعارف علوی آکھیا جو پاکستان وݙے عرصے توں 40 لکھ افغان پناہ گزیناں دی میزبانی کریندا پئے اتے افغان عوام کوں اینکوں ہک خیر سگالی دا معاملہ سمجھݨا چاہیدے۔ انہاں آکھیاجو پوری دنیا اچ مہانگ ودھدی پئی اے، پاکستان دنیا دا کلھا ملک کائنی جئیں کوں ایں چیلنج دا سامݨا تھیندا پئے، مہانگ ایں کیتے ھے جو بین الاقوامی مارکیٹ اچ اجناس اتے تیل دے نرخ ودھدے پئن۔ صدرمملکت ہک سوال دے جواب اچ آکھیا جو پاکستان سدھے رستے تے اے اتے ایندا مستقبل روشن اے۔

مضمون کا ماخذ : میگا ملینز کے نتائج

متعلقہ مضامین