پاک فضائیہ پورے ملک دے سیلاب توں متاثرہ علاقیں اچ طبی امداد تےبحالی دے عمل کوں تکھا کرݙتا

اسلام آباد۔25ستمبر (اے پی پی):پاک فضائیہ پورے ملک دے سیلاب توں متاثرہ علاقیں اچ طبی امداد اتے بحالی دے عمل کوں تکھا کرݙتا ، اتوار کوں ترجمان پاک فضائیہ موجب سیلاب توں متاثرہ علاقیں اچ پاݨی توں پیدا تھیوݨ آلیاں ٻہوں ساریاں متعدی بیماریاں، جیویں ڈینگی، ملیریا، ہیضہ، پیچش اتے گیسٹرو دے نویں ابھردے ہوئے خطرے پاروں ، پاک فضائیہ خیبرپختونخوا، سندھ، بلوچستان اتے جنوبی پنجاب دے متاثرینِ سیلاب دی امداد کیتے ضروری طبی سامان تے سہولتاں ݙیوݨ دے عمل کوں تکھا کرݙتے ۔ پاک فضائیہ دے اہلکار بشمول میڈیکل اتے معاون عملہ سیلاب متاثرین کوں خوراک، رہائش اتے پیوݨ دے صاف پاݨی جیہاں بنیادی ضرورتاں ݙیوݨ دے نال نال طبی سہولتان کوں وی یقینی بݨیندے پئن ۔ پاک فضائیہ دی طرفوں بݨائے ڳئے فیلڈ میڈیکل کیمپس اچ سیلاب متاثرین کوں ݙینھ رات مفت طبی سامان اتے تشخیصی سہولتاں ݙتیاں ویندیاں پئن ، ایں سلسلے اچ پاک فضائیہ دے میڈیکل سٹاف 700 توں ودھ مریضاں دا مفت طبی معائنہ وی کیتے۔گزریل 24 گھنٹے اچ پاک فضائیہ دی ایمرجنسی ریسپانس ٹیماں ضرورت مند خانداناں اچ 16610 پکے ہوئے کھاݨے دے پیکٹ، 250 پاݨی دیاں بوتلاں تے 2198 خشک راشن دے پیکٹ ݙتن ۔

مضمون کا ماخذ : loteria instantânea

متعلقہ مضامین