لاهور -04 آگسٽ (اي پي پي) ڀارت کي ڪشمير جي خصوصي حيثيت بحال ڪرڻي پوندي، يوم استحصال ملهائڻ جو مقصد ڀارت پاران ڪشميرين تي ٿيندڙ ظلمن کي دنيا سامهون پيش ڪرڻ آهي، ڏکڻ ايشيا ۾ امن جي قيام جو واحد رستو ڪشمير جي آزادي سان ئي نڪري ٿو، سان ايٽمي طاقت آهيون دشمن ميري اک سان نٿو ڏي سگهي، اسان کي مايوس ٿيڻ جي ضرورت ناهي، ضرورت ان امر جي آهي ته پاڪستاني هئڻ جي ناتي اسان پنهنجا فرض ايمانداري سان سرانجام ڏئي سگهون، اهو ڏينهن پري ناهي جڏهن ڪشمير ۾ آزادي جو سج اڀرندو. انهن خيالن جو اظهار پريس انفارميشن ڊپارٽمينٽ لاهور آفيس جي انتظام هيٺ يوم استحصال ڪشمير جي حوالي سان منعقد پينل ڊسڪشن دوران ڪيو تقريرون ڪندڙن ڪيو. پينل ڊسڪشن ۾ مشهور تجزيه نگار ۽ صحافي مجيب الرحمان شامي، سلمان غني، نجم ولي، ڊاڪٽر منيبه افتخار، ڊائريڪٽر جنرل پريس انفارميشن ڊپارٽمينٽ شفقت محمود سميت ٻين شرڪت ڪئي ۽ يوم استحصال ڪشمير جي تاريخ ۽ ڪشميرين تي ڀارتي ظلمن بابت ڳالهائيندي ڪيو. مجيب الرحمان شامي چيو ته يوم استحصال ڪشمير ملهائڻ جو مقصد ڪشمير ۾ ڀارتي ظلمن کي دنيا سامهون آڻڻ آهي، ڀارت ڪشمير ۾ ڊگهي عرصي کان ظلم جي بازار گرم رکي آهي، جنهن جو مثال نٿو ملي، دنيا کي ڪشميرين جي مدد لاءِ اڳيان اچڻو پوندو ته جيئن خوداراديت وارو حق ڏياري سگهجي ۽ خطي ۾ امن جي قيام کي يقيني بڻائي سگهجي. هن چيو ته ڀارت جو اهو ظالم قدم گڏيل قومن جي بنيادي حقن جي عالمي چارٽر جي به ڀڃڪڙي آهي. هن چيو ته جنگ ڪنهن به مسئلي جو حل ناهي پر ڏکڻ ايشيا ۾ ڪشمير جو مسئلو حل ٿيڻ کان سواءِ امن ممڪن ناهي. نجم ولي چيو ته 5 آگسٽ 2019ع جو ڀارتي قدم 27 آڪٽوبر جو ئي تسلسل آهي، عالمي برادري کي ڪشمير ۽ فلسطين ۾ مسلمانن جي نسل ڪشي روڪڻ گهرجي ته جيئن دنيا کي ڪنهن وڏي جنگ کان محفوظ بڻائي سگهجي. هن چيو ته ڀارت ڪشمير ۾ هندو پنڊتن کي آباد ڪري رهيو آهي ۽ مسلمانن جي آبادي کي ختم ڪري رهيو آهي، اسان کي مايوس ٿيڻ جي ضرورت ناهي ۽ اسان کي پنهنجي روين ۾ تبديلي آڻڻي پوندي. هن چيو ته اسان ايٽمي طاقت آهيون بس اسان کي معاشي طور مضبوط ٿيڻ جي ضرورت آهي. سلمان غني چيو ته هڪ سوچيل سمجهيل منصوبي تحت اڄوڪي ڏينهن ڀارتي پارليامينٽ پنهنجي ئي آئين کي لتاڙيندي جنت جهڙي ڪشمير کي هڙپ ڪري ورتو ۽ ان جي خودمختيار حيثيت ختم ڪري ڇڏي جيڪا خود ڀارت جي باني اڳواڻن ان کي 1947ع کان ڏني هئي. هن چيو ته 5 آگسٽ 2019ع کي ڪاري ڏينهن جي اونداهين ڀارت جو گندو چهرو بي نقاب ڪيو آهي. ڀارتي حڪومت جا سڀئي نظريا اهي ئي آهن جيڪي آر ايس ايس جهڙي دهشتگرد تنظيم جا آهن ۽ آر ايس ايس جي بانين سامهون هٽلر ۽ مسوليني هيرو جي حيثيت رکن ٿا، هن چيو ته ڀارت جي بي جي پي جي وزيراعظم نريندر مودي جي فاشزم نظريي ۾ آئين جي به ڪا حيثيت ۽ قدر و قيمت ناهي، هن 5 آگسٽ 2019ع تي ڏينهن ڏٺي ائين کي ٽوڙي ڪشمير تي غاصباڻو قبصو ڪيو ۽ ان لاءِ نهرو ۽ گانڌي جهڙي ڀارت جي پنهنجي تاريخي بانين جي جوڙيل آئين جي چٿريون اڏائي ڇڏيون. ۽ آئين جي آرٽيڪل 370 ۽ 35 (اي) کي لتاڙيندي ڪشمير جي خصوصي حيثيت ختم ڪري ڇڏي جنهن کي انگريز سرڪار به ختم نه ڪري سگهي هئي. هن چيو ته ڪشميري عوام ڀارت جي جابراڻي ۽ فاشسٽ قبضي کي قبول ڪرڻ لاءِ تيار ناهي، روزاني سرينگر ۽ آسپاس جي علائقن م نوجوان ڪشميرين جا ٻه ٽي لاش ملن ٿا، اهي نوجوان برهان واني جي جهادي جذبي سان سرشار آهن ۽ برهان مظفر واني اهو نوجوان آهي جيڪو ڪشمير جو حقيقي فرزند آهي ۽ جنهن حريت جو درس سيد علي گيلاني، سيد شبير شاهه ۽ ياسين ملڪ جهڙن جانبازن ۽ آزادي جي پروانن کان حاصل ڪيو هو. ان موقعي تي پروفيسر ارم خالد ڳالهائيندي چيو ته ڀارت پنج سال پهرين اڄوڪي ڏينهن تي ڪشمير جي خاص حيثيت ختم ڪري ڪشمير کي جيل ۾ تبديل ڪيو هو. هن چيو ته اهي قومون هميشه زنده رهن ٿيون جيڪي پنهنجي تاريخ ياد رکن ٿيون. يوم استحصال ڪشمير جي باري ۾ ڀارتي ڏاڍ کي دنيا سامهون آڻڻ جي ضرورت آهي، اسان کي ان ڏينهن جي حوالي سان نوجوانن کي آگاهي ڏيڻ گهرجي، ان سلسلي ۾ ميڊيا کي پنهنجو ڀرپور ڪردار ادا ڪرڻ گهرجي ته جيئن دنيا کي ڀارت جو مڪروهه چهرو ڏيکاري سگهجي. ڊاڪٽر منيبه افتخار چيو ته اسان هي ملڪ اسلام جي نالي تي حاصل ڪيو آهي، اسان يک مسلمان هئڻ ناتي پنهنجي روين ۾ تبديلي آڻڻ جي ضرورت آهي، اسان کي نئين نسل کي ڪشمير ۾ ڀارتي ظلم 7 تشدد کان آگاهه ڪرڻو پوندو. ان کان پهرين ڪشميرين سان يڪجهتي جي اظهار لاءِ پريس انفارميشن واڪ جو اهتمام ڪيو، واڪ ۾ مختلف مڪتبه فڪر سان تعلق رکندڙ شخصيتن، پي آءِ ڊي جي آفيسرن، ملازمن ۽ ٻين شرڪت ڪئي. واڪ ۾ شريڪ ماڻهن ڪشميرين سان يڪجهتي جي اظهار لاءِ پلي ڪارڊز ۽ بينرز کنيا هئا.
.jpg)
.jpg)
