صدر مملکت ممنون حسین دا 23مارچ دے موقعے تے پریڈ نال خطاب

اسلام آباد ۔ 23 مارچ (اے پی پی) صدر مملکت ممنون حسین آکھیا جو اج پاکستان دا دفاع مضبوط اتے ناقابل ِ تسخیر ہے، اساڈی روایتی تے ایٹمی طاقت دا مقصد عالمی اتے علاقائی امن کوں یقینی بنڑاونڑ ہے ، ایں سانگے اساں ساری دنیا، خاص طور تے آپنڑیں ہمسایاںدے نال امن اتے دوستی چاہندے ہئیں جڈانجو بھارت دا غیرذمہ دارانہ طرزِ عمل اتے ایندے ولوں لائن آف کنٹرول اتے ورکنگ باﺅنڈری دی مسلسل خلاف ورزی دے واقعات خطے دے امن کوں داءتے لاڈتے ۔ او خمیس دے ڈینھ پریڈ گراﺅنڈ اچ خطاب کریندے پئے ہن ۔ وزریراعظم محمد نواز شریف ‘چیئرمین جوائنٹ چیفس آف سٹاف کمیٹی جنرل زبیر محمود حیات ‘پاک فوج کے سربراہ جنرل قمر جاوید باجوہ ‘ساﺅتھ افریقی فوج دے سربراہ جنرل صالح ذکریہ ‘سپیکر قومی اسمبلی سردار ایاز صادق ‘وفاقی وزیر دفاع خواجہ آصف ‘چیئرمین سینٹ رضا ربانی‘وفاقی وزیر خواجہ سعد رفیق ‘انجینئر خرم دستگیر ‘سینٹ اچ قائد ایوان راجہ ظفر الحق ‘پاک فضائیہ دے سربراہ ائیر چیف مارشل سہیل امان ‘پاک بحریہ دے سربراہ ایڈمرل محمد ذکاءاللہ ‘چین دے سفیر سن وی ڈونگ دے علاوہ اراکین پارلیمنٹ ‘غیر ملکی مندوبین‘ سفیراں‘ہائی کمشنراں دے علاوہ عوام دی ہک وڈی تعدا د پریڈ اچ شرکت کیتی۔صدر مملکت ممنون حسین خطاب کریندے ہوئیں آکھیا جو اج دا ڈینھ ہک عزم دی کہانی بیان کریندے ،ا و عزم جیہڑا یقین اچ تبدیل تھی ونجے ایندی طاقت برصغیر دے مسلماناں کوں قائداعظم ؒدکی دوراندیش قیادت اچ ہک ایں طرح دی قوت عطا کر ڈتی جیندی جمہوری جدوجہد دے نتیجے اچ دنیا دی تر یخ تے جغرافیہ ڈوہائیں تبدیل تھی گئے اتے بے سمت قوم کوں ہک واضح نظریاتی شناخت مل گئی ، بساطِ عالم اُتے جیندا نقش دائمی ہے۔ انہاں آکھیا جو اج دے ڈینھ اساں قیام پاکستان اتے استحکام پاکستان کیتے سر دھڑ دی بازی لا ڈونڑ آلے انہاں شہیداں اتے غازیاں کوںخراجِ عقیدت پیش کریندے ہئیں اتے عزم کریندے ہئیں جو انہاں دے نقشِ قدم اُتے چلدے ہوئیں وطنِ عزیز دی ترقی، خوشحالی اتے سا لمیت کیتے وی کڈاہیں کہیں قربانی توں دریغ کائناں کیتا ویسی ۔ صدر مملکت ممنون حسین آکھیا جو اساں بھارت دے نال مذاکرات کے لیے تیار ہیںاور چاہتے ہیں کہ تقسیم برصغیر کے نامکمل ایجنڈے یعنی مسئلہ کشمیرکو اقوام متحدہ کی قراردادوں کے مطابق حل کیا جاکیتے تیار ہئیں ، ایں مقصد کیتے پاکستان آپنڑیں کشمیری بھراوں دی اخلاقی، سیاسی اتے سفارتی حمایت ہمیشہ جاری رکھیسی ۔ اساں اے وی چاہندے ہئیں جو عالمی برادری وی ایں بارے آپنڑیں ذمہ داری پوری کرے تانجو علاقائی سلامتی اتے پائیدار امن دا خواب پورا تھی سگے ۔ انہاں آکھیا جو میکوں خوشی ہے جو اساڈی معیشت مستحکم تھیندی پئی ہے اتے پاکستان خطے اچ ہک مضبوط اقتصادی طاقت دی حیثیت نال ابھردا پئے ، ترقی دے ایں سفر اچ اساکوں آپنڑیں پُرخلوص دوستاں اتے برادرملکاں دا بھر پور تعاون حاصل ہے جنہاں اچ چین دا مخلصانہ کردار خاص طور تے قابل ِ ذکر ہے۔ اقتصادی راہداری دے عظیم الشان منصوبے اچ ڈوہائیں ملکاں دی شراکت سارے خطے دی ترقی اتے خوشحالی دا دروازہ کھول ڈتے ۔

مضمون کا ماخذ : لاٹری کی پیشگوئی

متعلقہ مضامین