ملک کوں کڄھ مفاد پرست سیاسی قوتاں عدم استحکام دا شکار کرݨا چاہندن، پیرنورالحق قادری

پشاور۔17جنوری (اے پی پی)وفاقی وزیر مذہبی امور پیرنورالحق قادری آکھیے جو ملک کوں کڄھ مفاد پرست سیاسی قوتاں عدم استحکام دا شکار کرݨا چاہندن ۔پاکستان خطے اچ ساری اقلیتاں دے تحفظ کیتے مثالی ملک اے۔ او اتوار کوں بین المذاہب ہم آہنگی کانفرنس نال ڳالھ کریندے ہوئیں اے آکھیا۔تقریب اچ سارے مذاہب دے نمائندہ وفود شرکت کیتی۔ بشپ پشاور ہمفری سرفراز پیٹر خصوصی طورتے کانفرنس اچ شرکت کیتی۔ ڈاکٹر پیر محمد نورالحق قادری آکھیا جواسلام دین امن وسلامتی اے۔دہشت گردی اتے انتہا پسندی دا تصور اسلامی تعلیمات دے خلاف اے۔ تقریب اچ اسلامی نظریاتی کونسل دے سابق اڳواݨ ڈاکٹر پروفیسر قبلہ آیاز ، بشپ پشاور ہمفری سرفراز پیٹر ، علامہ مولانا محمد طیب قریشی ، علامہ عابد حسین شاکری، مقصود احمد سلفی، ڈاکٹر شمس الرحمان شمس ، پروفیسر عبدالرحمان اتے اشتیاق احمد وی آلائے۔

مضمون کا ماخذ : کمپیوٹر لاٹری

متعلقہ مضامین