وزیراعظم دی ملکی معاشی ترقی کیتے 5 سالہ معاشی روڈمیپ تے سارے فریقین نال صلاح دی ہدایت

اسلام آباد۔14مارچ(اے پی پی):وزیراعظم محمد شہباز شریف ملکی معاشی ترقی کیتے 5 سالہ معاشی روڈمیپ تے سارے فریقین نال صلاح دی ہدایت کریندے آکھیے جو حکومتی اخراجات ڳھٹیسوں، زراعت، لائیو سٹاک، انفارمیشن ٹیکنالوجی، بیرونی سرمایہ کاری، چھوٹے و وݙیاں صنعتاں دی ترقی دی صلاحیت ودھاوݨ کیتے ودھ اقدامات کیتے ویسن۔ او اسلام آباد اچ ملکی معاشی ترقی کیتے 5 سالہ معاشی روڈمیپ بارے اعلیٰ سطح جائزہ اجلاس دی اڳواݨی کریندے پئے ہن۔ اجلاس اچ معاشی ترقی سانڳے آندے 5 سال دی منصوبہ بندی دا جائزہ پیش کیتا ڳیا ڄیندے اچ مہانگ اتے غربت ڳھٹاوݨ، روزگار ݙیوݨ شامل اے۔ وزیر اعظم اکھیا جو ویلھا ونڄائے بغیر ملکی معیشت دے استحکام و ترقی کیتے منصوبیاں تے عملدرآمد کیتا ویسی، آندے 5 سال ملکی معیشت کوں تکڑا کرݨ کیتے ڈیجیٹلائیزیشن اتے جدت نال محصولات ودھیسوں، نقصان اچ ونڄݨ آلے حکومتی اداراں دی ترجیحی بنیاداں تے نجکاری کیتی ویسی۔ اجلاس اچ وفاقی وزراء احسن اقبال، محمد جہانزیب، احد خان چیمہ، ڈاکٹر مصدق ملک، وزیر مملکت شزہ فاطمہ خواجہ، جہانزیب خان اتے متعلقہ اعلیٰ حکام شرکت کیتی۔

مضمون کا ماخذ : ڈریگن کی قسمت

متعلقہ مضامین