پاڪستان مسلمان امت جي قائد طور تي اڀري سامهون اچي رهيو آهي: صدر

APP50-020221 ISLAMABAD: February 02 - President Dr Arif Alvi addressing the launching ceremony of Virtual Training Programme of One Aligarh Innoversity at Aiwan-e-Sadr. APP

اسلام آباد – 02 – فيبروري (اي پي پي) صدر ڊاڪٽر عارف علوي چيو آهي ته پاڪستان تعليم سان گڏوگڏ اخلاقي قدرن ۽ تربيت تي ڌيان ڏئي مسلمان امت جي قائد طور تي اڀري سامهون اچي رهيو آهي. اهڙن خيالن جو اظهار هن علي ڳڙهه انوورسٽي جي افتتاحي تقريب کي خطاب ڪندي ڪيو. صدر ڊاڪٽر عارف علوي چيو ته تعليم سان گڏ تربيت جي فراهمي جي لاءِ هي قدم ساراهه جوڳو آهي، هن اداري جو قيام تاريخ جي بنياد تي عمل ۾ آندو پيو وڃي، قومن جي ترقي ۾ تعليم، تربيت ۽ قدرن جو اهم حصو هوندو آهي. هن چيو ته علم سان نسل درنسل معلومات جو خزانو منتقل ٿئي ٿو. هن چيو ته 16 هين کان 18 هين صدي دوران ڀارت پيداواريت جي حوالي سان اهم خطو هو، اهو خطو علم ۽ فن جو گهوارو هو. ايسٽ انڊيا ڪمپني هندستان ۾ سيڙپڪاري ڪري ڦرلٽ جو بازار گرم ڪيو، غدارن ان جو ساٿ ڏنو، 1857ع جي آزادي جي جنگ ۾ مسلمانن جو قتلام ڪيو ويو، ان صورتحال جي ڏس ۾ سر سيد احمد خان چيو ته مسلمان جيڪڏهن علم کان پري رهندا ته اهي دنيا جي اندر پنهنجو مقام حاصل نه ڪري سگهندا، هن مسلمانن تي علم حاصل ڪرڻ تي زور ڏنو، ننڍي کنڊ جي مسلمانن جي سوچ ۾ تبديلي ۾ علي ڳڙهه يونيورسٽي جو وڏو حصو آهي.

مضمون کا ماخذ : کمپیوٹر لاٹری لائیو

متعلقہ مضامین