اسلام آباد۔30جولائی (اے پی پی):وفاقی وزیر امور کشمیر و گلگت بلتستان علی امین خان گنڈاپورآکھیے جو آزاد کشمیر دے الیکشن وچ عمران خان دے وژن کوں پذیرائی ملی اے، ایل او سی دے ݙوہیں پاسوں رہݨ آلے کشمیریاں عمران خان کوں آپݨا سفیر تے حقیقی رہنما من ڳھدے ، ایل اے 16 اچ کامیابی توں تحریک انصاف آزاد کشمیر اچ مزید تکڑی تھئی اے آپݨے ھک بیان اچ انہاں آکھیے جو اپوزیشن آزاد کشمیر تے سیالکوٹ اچ آپمی ناکامی تے پردہ پاوݨ کیتے دھاندلی دا رووݨ روندی پئی اے ،2023 دے انتخابات اچ تحریک انصاف سندھ سودھے پورے پاکستان اچ کامیاب تھیسی ،اپوزیشن تحریک انصاف دی مقبولیت کوں ݙیکھدے ہوئیں ہݨے نال رووݨ شروع کرݙتے ۔ علی امین گنڈاپور آکھیے جو تحریک انصاف آزاد کشمیر اچ عوام دی طرفوں ݙتے ڳئے مینڈیٹ دااحترام کریسی ،عمران خان دے وژن کوں عملی جامہ پواوݨ کیتے ݙینھ رات ھک کرݙیسوں ۔