شفاف انتخابات سانڳے سازگار ماحول ݙیوݨ نگران حکومت دی ذمہ واری اے، سرکاری میڈیا ساریاں رجسٹرڈ سیاسی جماعتاں کوں منصفانہ موقع ݙیوے ۔ نگران وفاقی وزیر اطلاعات مرتضیٰ سولنگی

APP15-240923 KARACHI: September 24 - Caretaker Minister for Information and Broadcasting Murtaza Solangi addressing a ceremony held in his honor at Radio Pakistan Broadcasting House. APP/SDQ/TZD/FHA

کراچی۔24ستمبر (اے پی پی):نگران وفاقی وزیر اطلاعات و نشریات مرتضیٰ سولنگی آکھیے شفاف انتخابات سانڳے سازگار ماحول ݙیوݨ نگران حکومت دی ذمہ واری اے، ساریاں سیاسی جماعتاں کوں الیکشن لڑݨ دی پوری آزادی ہووݨی چاہیدی اے ۔ سرکاری میڈیا کہیں سیاسی جماعت دی حمایت یا مخالفت نہ کرے تے رجسٹرد سیاسی جماعتاں کوں منصفانہ کوریج ݙیوے ۔ اے ڳالھ انہاں اتوار کوں ریڈیو پاکستان کراچی اچ منعقدہ تقریب توں خطاب اچ آکھی اے ۔ نگران وفاقی وزیر اطلاعات آکھیے آئین دی تمہید اچ لکھیے جو ایں ملک کوں ایندے منتخب نمائندے چلیسن ۔ نگران وفاقی وزیر اطلاعات آکھیے ریڈیو پاکستان دی بہتری سانگے کم کریندے پیوں جݙاں جو ریڈیو پاکستان دی نشریات کوں ڈیجیٹل کرݨ سانگے اقدامات وی چاتے ویندے پئن۔ انہاں آکھیے ریڈیو پاکستان دی ڈیجیٹلائزیشن اتے ملازمین دیاں تنخواہواں دی ادائیگی جیہے مسئلے موجود ہن ، قانونی تے آئینی اختیارات دے انہاں مسئلیں کوں حل کریسوں ۔ نگران وفاقی وزیر آکھیے آپݨے محدود ویلھے کوں مسئلیں دے حل کیتے استعمال کریسوں ۔ انہاں آکھیے جو ریڈیو پاکستان دور جدید دے تقاضیں کوں پورا کرے، اے میݙا خواب اے ۔ انہاں آکھیے وفاقی سیکرٹری اطلاعات نال رل تے ریڈیو پاکستان دے بورڈ دی نویں سروں تشکیل کیتی ویسی ۔ ریڈیو پاکستان دے معاملات بہتر کرݨ میݙی ذمے واری اچ شامل اے۔

مضمون کا ماخذ : como ganhar na quina

متعلقہ مضامین