پاکستان دا اسرائیل توں غاصبانہ قبضہ ختم کرݨ، فلسطینیاں دے حقوق برقرار رکھݨ دا مطالبہ

اسلام آباد۔4اکتوبر(اے پی پی) پاکستان اسرائیل توں فلسطین دا غاصبانہ قبضہ ختم کرݨ اتے فلسطینیاں دے حقوق برقرار رکھݨ دا مطالبہ کیتے۔ سیکرٹری خارجہ آمنہ بلوچ فلسطین تے پاکستان دے غیرمتزلزل موقف دی توثیق کریندے اسرائیل دے غیر قانونی قبضے کوں ختم کرݨ دا مطالبہ کریندے عالمی برادری کوں آکھیے جو او اقوام متحدہ دی انسانی حقوق کونسل (یو این ایچ آر سی) اچ بحث ویلھے فلسطینیاں دے حقوق کوں برقرار رکھن۔ مقبوضہ فلسطین اچ انسانی حقوق دی صورتحال بارے یو این ایچ آر سی دے مباحثے نال خطاب اچ سیکرٹری خارجہ آمنہ بلوچ بین الاقوامی قانون برقرار رکھݨ دی فوری اتے ناگزیر ضرورت تے پاکستان دا مستقل موقف پیش کیتے، خاص طور تے اینڄھے ویلھے ڄݙاں علاقائی امن، سلامتی اتے ایندی ساکھ کوں شدید خطرات لاحق ہین، سارے انسانی حقوق حق خود ارادیت توں نکلدن ڄیڑھے اقوام متحدہ دے چارٹر اتے بین الاقوامی انسانی حقوق دے قانون اچ درج ہین۔ انہاں آکھیا جو اسرائیل دا غیر قانونی قبضہ ختم تھیوݨا چاہیدے اتے نسل کشی و نسل پرستی روکݨ کیتے فلسطینی عوام دے حق خودارادیت دا احساس ہووݨا چاہیدے۔ سیکرٹری خارجہ 1967 توں پہلے دیاں سرحداں تے مبنی ہک قابل عمل، خودمختار اتے متصل فلسطینی ریاست کیتے پاکستان دی مسلسل حمایت دا اعادہ کیتے جیندا دارالحکومت القدس الشریف ہووے۔

مضمون کا ماخذ : پاکستان لاٹری ٹکٹ

متعلقہ مضامین