تریمت اچ کتاباں پڑھنڑ دی حوصلہ افزائی سانگے نیشنل لائبریری اچ پاکستان دا پہلا تریمت ریورس سنٹر قائم کیتا ویندا پے،مشیروزیراعظم عرفان صدیقی

اسلام آباد ۔ 12 اکتوبر (اے پی پی) وزیراعظم دے مشیر قومی تاریخ وادبی ورثہ عرفان صدیقی آکھیا ہے جو ملک اچ تریمت اچ مطالعے دی عادت دے ودھارے سانگے نیشنل لائبریری اچ پاکستان دا پہلا تریمت ریسورس سنٹر قائم کیتا ویندا پیا ہے ۔ایں مقصد سانگے قومی کمیشن وقار نسواں تے نیشنل لائبریری اچ معاہدے تے دستخط بہوں چنگے ہن ،۔او خمیس کوں قومی تاریخ تے ادبی ورثہ اچ تریمت ریسورس سنٹر دے قیام دے معاہدے تے دستخط دی تقریب دے موقع تے اظہار خیال کریندے پے ہن ۔ معاہدے تے نیشنل لائبریری ولوں ڈائریکٹر سید غیور حسین اتے قومی کمیشن برائے وقارِ نسواں ولوں ڈائریکٹر سلیمان شاہ دستخط کیتے۔ عرفان صدیقی آکھیا جو تریمت دی تعلیم تے انہاں اچ کتاباں پڑھنڑ دی عادت پوری نسل دی تعلیم تے مطالعے دی عادت دے مثبت رحجان کوں ودھارا ڈیونڑ دے مترادف ہے ۔ایں موقع تے قومی کمیشن وقار نسواں دی چیئر پرسن محترمہ خاور ممتاز، وفاقی سیکرٹری قومی تاریخ تے ادبی ورثہ ڈویژن انجینئر عامر حسن، سیکرٹری قومی کمیشن وقار نسواں ثمینہ حسن، جوائنٹ سیکریٹریز قومی تاریخ وادبی ورثہ ڈویژن سید جنید اخلاق، کیپٹن ریٹائرڈعبدالمجید نیازی، نیشنل لائبریری دے ڈائریکٹر سید غیور حسین تے بئے حکام شامل ہن۔

مضمون کا ماخذ : تھنڈرسٹرک II

متعلقہ مضامین