صدر مملکت ممنون حسین اتے اردن دے شاہ عبداللہ وچال ایوان صدر اچ ملاقات

APP02-09 ISLAMABAD: February 09 - President Mamnoon Hussain in a meeting with H.M King Abdullah II of Jordan at the Aiwan-E-Sadr. APP

اسلام آباد ۔ 9 فروری (اے پی پی) صدر مملکت ممنون حسین اتے اردن دے شاہ عبداللہ ڈوہیں ملکاں وچال تجارت ،تعلیم تے ثقافتی شعبے اچ تعاون اچ ودھارے تے اتفاق کریندے ہوئیں آکھیے جو پاکستان تے اردن مختلف شعبیں اچ اپنڑے خصوصی تجربں نال ہک ڈوجھے کوں فائدہ پجا سگدن ۔ڈوہیں رہنماواں وچال اے اتفاق رائے ایوان صدر اچ ملاقات اچ طے پاتا گیا ۔ایں موقع تے صدر مملکت دی معاونت وزیر دفاع انجینئر خرم دستگیر خان، سیکرٹری خارجہ تے بئے اعلیٰ حکام کیتی جڈاں جوشاہ عبداللہ دی معاونت اردن دے وزیر خارجہ ایمن سفادی، چیئرمین جوائنٹ چیفس آف سٹاف لیفٹیننٹ جنرل محمود فریحات اتے بئے اعلیٰ حکام کیتی۔ صدر مملکت آکھیا جو امریکا ولوں یروشلم کوں اسرائیل دا دارالحکومت تسلیم کرنڑ دے معاملے اچ اردن جرات مندانہ موقف اختیار کیتا، پاکستان ایندی قدر کریندے ۔ایں موقع تے اردن دے شاہ عبداللہ آکھیا جو پاکستان ولوں مسلم امہ دے مسلیں دے دے حل سانگے جیرھا موقف اختیار کیتا گے او اساں سانگے باعث تقویت ہے ۔صدر مملکت مزید آکھیا جو کشمیر تے فلسطین جیہوجے پرانڑیں مسلیں دا حل عالمی امن تے استحکام سانگے ضروری ہے ۔صدر مملکت آکھیا جو پاکستان تے اردن بہوں گھاٹے سیاسی ،ثقافتی تے تاریخی رشتے اچ گھنڈیے ہوئے ہن ۔انہاں آکھیا جو ڈو پاسے تجارت ڈوہیں ملکاں دے برادرانہ تعلقات دی درست عکاسی نی کریندی ۔انہاں تجویز پیش کیتی جو پاکستان تے اردن وچال ودھ توں ودھ تجارتی وفداں دا تبادلہ تھیونڑاں چاہید ے۔ شاہ عبداللہ صدر مملکت دی تجویز نال اتفاق کریندے ہوئیں آکھیا جو ڈوہیں ملکاں دی معیشت دے استحکام سانگے سانجھی تجارت اچ ودھارا ضروری ہے۔ ایں سلسلہ اچ مارچ اچ سانجھا وزارتی کمیشن دے اجلاس اچ غور تھیسی۔

مضمون کا ماخذ : لاٹری کا انعام کیسے حاصل کریں

متعلقہ مضامین