انسانیت دی خدمت کرݨ آلے سارے ادارے خراج تحسین دے مستحق ہن، محمد بلیغ الرحمان

لاہور۔7اکتوبر (اے پی پی) گورنر پنجاب محمد بلیغ الرحمان آکھیا جو انسانیت دی خدمت کرݨ آلے سارے ادارے خراج تحسین دے مستحق ہن۔ اپٹما ہمیشہ انسانیت دی خدمت اچ کوئی کسر نی چھوڑی، گورنر ہاؤس توں ہک سو 20 توں ودھ امدادی سامان دے ٹرکس چھل متاثرہ علاقیاں اچ ٻھیجن اتے 20 ٹرک ٻئے ٻھیجیندے پیوں۔ اے ڳالھیں انہاں جمعے کوں گورنر ہاؤس اچ گروپ لیڈر اپٹما گوہر اعجاز دے رلے چھل متاثرین کوں امدادی سامان ٻھیجݨ بارے پریس کانفرنس توں خطاب کریندیں ہوئیں آکھی۔ گورنر پنجاب آکھیا جو چھل متاثرین کیڑھے کرب توں گزردے پئن انہاں دا مداوا ٻہوں اوکھا اے، انفراسٹرکچر تباہ تھیے ، کتھائیں ڳھٹ نقصان تھیے اتے کتھائیں پاݨی پوری تباہی مچائی اے۔ انہاں آکھیا جو وفاقی حکومت ارباں روپے متاثرین اچ تقسیم کر ݙتن۔ انہاں آکھیا جو وفاقی حکومت چھل توں متاثرہ علاقیاں اچ ہکو سویں امدادی کم کیتے کوشاں اے۔ 62 ارب رپوے متاثرین اچ بی آئی ایس پی دےتحت تقسیم کیتے ڳئن۔ اساݙی ساری توجہ چھل متاثرین دی بحالی تے اے۔

مضمون کا ماخذ : prêmios raspadinha

متعلقہ مضامین