نائب وزیراعظم اتے وزیر خارجہ محمد اسحاق ڈار او آئی سی دے اجلاس اچ شریک رہنماواں اتے وزرائے خارجہ نال ݙوپاسہ ملاقاتاں کریسن، ترجمان دفتر خارجہ

اسلام آباد۔2مئی (اے پی پی) ترجمان دفتر خارجہ ممتاز زہرہ بلوچ آکھیا جو اسلامی تعاون تنظیم دے گیمبیا اچ سربراہی اتے وزراء خارجہ دے اجلاس دے ومقع تے نائب وزیراعظم اتے وزیر خارجہ محمد اسحاق ڈار اجلاس اچ شریک رہنماواں اتے وزرائے خارجہ نال ݙوپاسہ ملاقاتاں کریسن۔ خمیس کوں پریس بریفنگ اچ انہاں آکھیا جو او ائی سی دے اجلاس اچ پاکستان مسلم امہ دے چیلنجز دا اجتماعی حل ڳوݨ دی لوڑھ تے زور ݙیسی۔ ترجمان ذرائع ابلاغ کوں گزریل ہفتے امریکی انڈر سیکرٹری برائے سیاسی امور جان باس اتے پرنسپل ڈپٹی اسسٹنٹ سیکرٹری الزبتھ ہورسٹ دے دورہ پاکستان اتے قائم مقام سیکرٹری خارجہ رحیم حیات قریشی نال انہاں دی ملاقات بارے ݙسیا۔ ترجمان آکھیا جو پاکستان اسرائیل ولوں انسانی حقوق دی ودھدی ہوئی خلاف ورزیاں اتے مغربی کنارے اچ غیر قانونی اسرائیلی وستیاں دی ودھدی ہوئی تعداد دی مذمت کریندے۔ ترجمان فلسطین دی عوام کیتے پاکستان دی پوری حمایت دا اعادہ کریندیں ہوئیں 1967 توں پہلے دی سرحداں اتے القدس الشریف کوں دارالحکومت دے طور ہک آزاد، قابل عمل اتے متصل فلسطینی ریاست ٻݨاوݨ تے زور ݙتا۔

مضمون کا ماخذ : جڑواں اسپن

متعلقہ مضامین