د ترهه ګرۍ په ضد جنګ كښې د قربانيو په حساب پاكستان سرفهرست دے
APP53-06
ISLAMABAD: October 06 - Ms. Marriyum Aurangzeb Minister of State for Information, Broadcasting and National Heritage addressing the inaugural session of 20th AIPS Asia Congress. APP
اسلام آباد 06 اکتوبر (اے پی پی)د اطلاعات او خپرونو دوهمې وزيرې مريم اورنګزېب وئيلي دي محمد نواز شريف د وژن له مخې د پورته كړې شويو ګامونو په نتيجه كښې د ترهه ګرۍ پېښې ښكاره كمې شوې٬ د ترهه ګرۍ په ضد جنګ كښې د قربانيو په حساب پاكستان سرفهرست دے ٬د ترهه ګرۍ په ضد د وفاق او صوبائي حكومتونو د هڅو او زمونږ د وسله والو ځواكونو او قانون نافذ كوٶنكو ادارو د بې پناه قربانيو خواږه نن تر نظره كېږي٬ هېواد كښې د امن له امله د 30 هېوادونو د سپورټس خبريالان دلته راغلې دي٬ د لوبو د لارې ټولنه كښې په عدم برداشت قابو موندلې كېدې شي٬ حكومت هېواد كښې د لوبو او كلتور هلو ځلو له كار كوي٬ په نړيوال كچه د پاكستان د مثبت تشخص خپرولو لپاره د لوبو رپورټنګ كوٶنكې خبريالان او ميډيا بنيادي او مهم كردار لري٬ پاكستان د ډېرو لوبو چيمئپن پاتې دے٬ بيا د لوبو مېدانونو آبادېدو او د لوبو ودې سره به پاكستان چيمپئن جوړ شي٬ وزيراعظم شاهد خاقان عباسي د محمد نواز شريف وژن مخ په وړاندې بوځي۔ دوهمې وزېرې دا خبرې د جمعې په ورځ ځائي هوټل كښې د اطلاعات او خپرونو وزارت تر سېوري لاندې د سپورټس خبريالانو د آسيائي تنظيم (اے آئي پي اېس) كانګرېس ته خپلې وېنا كښې وكړې۔ په كانګرېس كښې د 33 هېوادونو 70 پلاويو په دې درې ورځني كانګرېس كښې ګډون كولو۔ په دې موقع پي آئي او سليم بېګ٬ د اے پي پي مېنجنګ ډائرېكټر مسعود ملك ٬ د راډيو ډائرېكټر جنرل شيراز لطيف٬ جمال شاه سره سره د وزارت چاراكو ٬ د نړيوال سپورټس اېسوسي اېشن صدر جيان مرلو ٬ عمومي سېكتر امجد عزيز ملك او د سپورټس ځائي او د ټول هېواد خبرلايانو ګډون كولو۔ مريم اورنګزېب د لوبو په مېدانونو كښې د تېرو 50 كالو راهسې د لوبو خبرونه٬كمنټرۍ او د هلو ځلو ودې لپاره خدمات ترسره كوٶنكو سينئر خبريالانو ته لائف اېچومنټ ايوارډز هم وركړل ۔ دستورې ته خپلې وېنا كښې مريم اورنګزېب د راغلو 30 هېوادونو د مېلمنو هركلے كولو سره ووئيل سينئر خبريالانو ته د ھغوي په وژند لائف اېچومنټ اېوارډز وركول ښه روايت دے ٬ زه دوي ته مباركي وركوم٬ په حقيقت كښې هم دوي پرائيډ اف پاكستان دي۔دې ووئيل د تېرو 35 نه تر 40 كالو راهسې پاكستان د ترهه ګرۍ په ضد جنګ كوي٬ د سپورټس پلاويو پاكستان ته راتګ د دې خبرې ښكاره ثبوت دے چې پاكستان په ترهه ګرۍ قابو موندلې او يو سوله ايز هېواد دے٬ مريم اورنګزېب ووئېل په تېرو لسيزو كښې پاكستان د ډېرو لوبو چيمپئن پاتې دے خو ولې د تېرو 35 ٬ 40 كالو راهسې د لوبو مېدانونه هم ځپلې شوې ۔ دې ووئيل د 60 زره نه تر 70 زره ځاني قربانيو په سوب نن پاكستان ته امن بيا راغلې ٬ او نړيوال لوبغاړي هم د خطر نه غېر پاكستان ته راتلل پېل شوې ۔ دې ووئيل پاكستان كښې هم د لوبو ودې له وفاق او صوبائي حكومتونه كار كوي ٬ د لوبغالو اپ ګرېډېشن او د لوبو ودې له خاص فنډز بېل كړې شوې ۔ دوهمې وزيرې ووئيل زمونږ د آبادۍ 60 فيصده په يوته مشتمله ده چې غوښتنه ئې لوبې دي ٬ وزيراعظم شاهد خاقان عباسي د محمد نواز شريف وژن مخ په وړاندې بوځي۔ مريم اورنګزېب ووئيل د تېرو 4 كالو خوارۍ په سوب پاكستان ته نړيوالې لوبې بيا راغلې٬ پاكستان كښې نړيوال مېچونه ٬ جام او نورې هلې ځلې به هره ورځ لا ګړندي شي۔ دې ووئيل تېر كال د نړيوالو لوبغاړو پاكستان ته په راتګ مننه كوٶ۔ دې ووئيل چشتي مجاهد د سپورټس څانګه كښې ځانګړې خدمات تر سره كړې او د ھغه غوندې خلق نړۍ كښې د پاكستان مثبت پېژندګلو په ښه ډول كوي۔ مريم اورنګزېب ووئيل هېواد كښې د فلم ٬ سپورټس او د موسيقۍ په بحالۍ وياړ لرو ٬ دا كنفرنس د پخواني وزيراعظم سپورټس لپاره د هڅو عكاسي ده۔ دې ووئيل د ټي وي په ټولو چېنلو زيات مهم د لوبو خبر وي٬ ميډيا او خبريالانو د سختو حالاتو باوجود هېواد كښې لوبې ژوندۍ ساتلې بلخوا د ترهه ګرۍ په ضد د جنګ كولو باوجود مونږ نن هم يو ژوندے قام يو۔ مريم اورنګزېب ووئيل د وزيراعظم تعليمي اصلاحاتو پروګرام له مخې په تعليمي ادارو كښې چرته چې ټولې ممكنه آسانۍ وركولې شي هلته دا لوبغالي هم تربيه كړې شوې دي۔
