اسلام آباد 04 جنوري (اے پي پي)د سېنېټ د اطلاعاتو٬خپرونو او قامي ورثه قائمه كمېټۍ ذيلي كمېټۍ پريكړه كړی چې خبريالانو سره په مشاورت دې د جنورۍ تر 12مه نېټھ د جرنلسټ ويلفيئر سېكورټي اينډ سفټي نوې مسوده تيارولو سره مركزي كمېټۍ ته وړاندې كړی شي بايد د خبريالانو اهميت او تحفظ لپاره يو داسې مكنزم وي چې كه چرته په خبريالانو بريد كېږي نو چې د هغې كيسونه چرته وچلولې شي٬د خبريالانو كيسونو لپاره دې د حكومت لخوا سپېشل پبلك پراسيكيوټر په ځاې كړی شي۔ذيلي كمېټي د ټي او آرز له مخې خپل كار زر تر زره كول غواړي۔د سېنېټ ټاكنو نه وړاندې د قائمه كمېټۍ څخه دا مسوده وړاندې لېږل هدف دې۔د زيارت په ورځ د سېنېټ د اطلاعاتو٬خپرونو او قامي ورثه د قائمه كمېټۍ د ذيلي كمېټۍ غونډه د كمېټۍ كنوينئر فرحت الله بابر په مشرۍ كښې د پارلمان په ودانۍ كښې وشوه۔په غونډه كښې د اطلاعاتو٬خپرونو او قامي ورثه دوهمې وزيرې مريم اورنګزېب د ذيلي كمېټۍ غړو سناتور نهال هاشمي٬سناتورې خوش بخت شجاعت٬د اطلاعاتو او خپرونو سېكتر سردار احمد نواز سكهيرا٬د اطلاعاتو او خپرونو وزارت او د پي آئي ډي چارواكو نه علاوه د پي اېف يو جے٬اے پي اېن اېس٬بي پي اے٬نېشنل پرېس كلب او د جرنلسټ فريډم استازو هم ګډون وكړو۔په دې موقع فرحت الله بابر ووئيل چې د تېرو اتو نه تر لسو كلونو په موده كښې په پاكستان كښې د سلګونو په شمېر خبريالان وژل شوي دي۔ده ووئيل چې د اطلاعاتو او خپرونو دوهمې وزيرې مريم اورنګزېب لخوا د جرنلسټ ويلفيئر سېكورټي اينډ سفټي د مسودې د ري اوپن كولو د پريكړې ستائنه كوو۔ده ووئيل چې د مارچ نهمه نېټھ د سېنېټ آخري ورځ ده٬ذيلي كمېټۍ چې كوم ټي او آرز جوړ كړې دي په دې كښې د سېنېټ ټاكنو نه وړاندې كار راغونډول دي۔ذيلي كمېټي به نوې مسوده تياروي او په دې كښې به د ټولو مشوره شامله وي۔د فريډم نېټ ورك اي ډي اقبال خټك كمېټۍ ته ووئيل چې پي اېف يو جے او پرېس كلب سره په ګډه مونږ خپله يوه مسوده تياره كړې٬دا دې هم په قانون سازۍ كښې شامله كړی شي۔د پي اېف يو جے صدر افضل بټ ووئيل چې د خبريالانو په اړه چې كله هم د قانون سازۍ خبره كېږي نو د اطلاعاتو وزارت د مېډيا هاؤسز د مالكانو نه په يره كښې راځي او د قانون سازۍ عمل ودرېږي۔د تېرو 70 كلونو نه مېډيا مالكان حاوي دي۔دا څنګه ممكنه ده چې قانون د مجرم په اجازه جوړ كړې شي۔د نېشنل پرېس كلب استازي ناصر ملك ووئيل چې د اطلاعاتو وزارت لخوا چې كومه وړومبۍ مسوده تياره كړې شوې وه هغه مونږ ته هم رالېږلې شوې وه٬په دې كښې مونږ تجويزونه وركړي وو خو يوازې زمونږ يو تجويز دې شامل كړی شي۔د خبريالانو سېكورټي٬سفټي او ويلفيئر دې بېل بېل كړی شي ځكه چې دا دواړه جلا جلا موضوعات دي۔اے پي اېن اېس او پي بي اے د ملازمت او د امنيت جلا كولو ملاتړ وكړو
