موجودہ وفاقی حکومت اپݨی مدت پوری کریسی ، نویں وفاقی بجٹ اچ عوام کوں ریلیف ݙیسوں ،مولانا عبدالواسع

کوئٹہ۔1جون (اے پی پی):جمعیت علما اسلام بلوچستان دے صوبائی امیر تے وفاقی وزیر ہاؤسنگ اینڈ ورکس مولانا عبدالواسع آکھیے جو موجودہ وفاقی حکومت اپݨی مدت پوری کریسی ، نویں وفاقی بجٹ اچ عوام کوں ریلیف ݙیسوں۔ وفاقی حکومت اچ شامل جماعتاں ملک اتے صوبیں دی ترقی چاہندن ، اے ڳالھ انہاں پارٹی دے سنیئر عہدیداراں نال ملاقات اچ آکھی اے ۔مولانا عبدالواسع آکھیے جو لانگ مارچ دے دوران فورسز وفاقی حکومت تے حملہ آور تھیوݨ دے منصوبے سودھے عمران خان دے سارے عزائم ناکام بݨاݙتے ، ہݨ او ھک واری ول ھک ادارے دا سہارا گھن تے وفاقی حکومت تے حملہ آور تھیوݨ دی کوشش کریندے پئن جیں دی اساں کہیں وی صورت اجازت نہ ݙیسوں ویلھے تے حالات دا تقاضا اے جو ہݨ عمران نیازی جیڑھا جو ملک دشمن کردار ادا کریندے پئن دے سارے عزائم کوں ناکام بݨا تے انہاں دے خلاف غداری اتے بغاوت دا مقدمہ درج کرتے انہاں کوں وختی پشاور توں گھن آتے اڈیالہ جیل منتقل کیتا ونڄے۔

مضمون کا ماخذ : loteria estadual

متعلقہ مضامین