وزیراعظم دا دورہ تاجکستان و قزاخستان کامیاب رہے، وزیراعظم فلسطین تے ݙوٹوک موقف پیش کرتے پاکستان دی ترجمانی کیتی، ایف بی آر دی ڈیجیٹلائزیشن تیزی نال جاری اے، آل پارٹیز کانفرنس سݙݨ تے صلاح مشورہ تھیندا پئے، عطاءاللہ تارڑ

اسلام آباد۔5جولائی(اے پی پی)وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو وزیراعظم دا دورہ تاجکستان و قزاخستان کامیاب رہے، وزیراعظم فلسطین تے ݙوٹوک موقف پیش کرتے پاکستان دی ترجمانی کیتی، ایف بی آر دی ڈیجیٹلائزیشن تیزی نال جاری اے، آل پارٹیز کانفرنس سݙݨ تے صلاح مشورہ تھیندا پئے، جمعہ کوں پی ٹی وی ہیڈ کوارٹرز اسلام آباد اچ پریس کانفرنس کریندے انہاں آکھیا جو وزیراعظم دے تاجکستان اتے قزاخستان دے دورے چنڳے رہین، اپݨے دورے اچ کراچی پورٹ سودھا لینڈ روٹس اتے ریل روٹس تے تفصیلی ڳالھ تھئی اے، ݙوہاں ملکاں وچال تجارت ودھاوݨ تے کاروباری طبقہ کوں سہولیات ݙیوݨ تے الائے، ݙوہاں ملکآں دے عوام تجارت و سرمایہ کاری توں فیدہ چا سڳدن۔ قزاخستان دے دورہ اچ وزیراعظم دی شنگھائی تعاون تنظیم دے سربراہی اجلاس اچ روس دے صدر ولادی میر پیوٹن نال سائیڈ لائن ملاقات تھعی اے جیندے اچ ݙوطرفہ تجارت کوں ودھاوݨ تے زور ݙتے اتے کئی شعبیاں اچ شراکت داری تے اتفاق تھئے۔ آندے ݙیہناں اچ روس اتے پاکستان وچال تجارت ودھسی۔ وفاقی وزیر اطلاعات آکھیے جو وزیراعظم دے دورے اچ ترکی، پاکستان اتے آذربائیجان وچال سہ فریقی مذاکرات وی تھئین جیندے اچ علاقائی امن و استحکام تے ڳالھ مہاڑ تھئی، وزیراعظم بھرپور طریقے نال پاکستان دی نمائندگی کیتی۔

مضمون کا ماخذ : مردہ یا زندہ II

متعلقہ مضامین