اسلام آباد – 26 آڪٽوبر (اي پي پي) صدر ڊاڪٽر عارف علوي والاريل ڪشمير ۾ ڪشميري ڀائرن جي لازوال قربانين کي خراج عقيدت پيش ڪندي چيو آهي ته پاڪستان ڪشميري عوام جي انهن جي جائز نصب العين جي لاءِ سياسي، سفارتي ۽ اخلاقي حمايت جاري رکندو ۽ هي حمايت ڪشميري عوام جي جائز خودمختياري واري حق کي حاصل ڪرڻ تائين جاري رهندي. هن اها ڳالهه ڪشمير جي ڪاري ڏينهن جي موقعي تي پنهنجي پيغام ۾ چئي جيڪو ڇنڇر ڏينهن ملهايو پيو وڃي.