چیئرمین سینیٹ نال بین الپارلیمانی یونین دے صدر دی ملاقات

اسلام آباد۔7فروری(اے پی پی):چیئرمین سینیٹ محمد صادق سنجرانی نال بین الپارلیمانی یونین دے صدر دوآرتے پاشیکو پارلیمنٹ ہاؤس اچ ملاقات کیتی۔ سینیٹ سیکرٹریٹ توں جاری بیان موجب ملاقات اچ بین الپارلیمانی یونین کوں مزید متحرک بݨاوݨ تے ادارہ جاتی تعاون ودھاوݨ تے ڳالھ مہاڑ کیتی ڳئی ۔ آئی پی یو دے صدر انٹرنیشنل پارلیمنٹرینز کانگریس دی روڈ سیفٹی دے حوالے نال 8 فروری توں شروع تھیوݨ آلی ݙو ݙینھ دی کانفرنس اچ شرکت کیتے پاکستان دے دورے تے ہن ۔انہاں آئی پی سی دے ایں اقدام کوں انتہائی اہم قرار ݙتے تے آکھیے جو روڈ سیفٹی جدید دور اچ ٻہوں اہم اے ۔ چیئرمین سینیٹ آکھیے جو پاکستان ایں ویلھے علاقائی سطح تے رابطہ کاری ودھاوݨ تے زمینی رستے دے ذریعے کاروبای و معاشی نقل وحمل تے زور ݙیندا پئے ۔ روڈ سیفٹی ھک عالمی مسئلہ اے اتے ایں کیتے ساریں کوں رل تے کم کرݨا ہوسی ۔ انہاں آکھیے آئی پی سی ایں موضوع دی اہمیت کوں محسوس کریندے ہوئیں فیصلہ کیتے جو بین الاقوامی سیاسی قیادت اتے ماہرین دے تجربات توں وی فیدہ چاتا ونڄے تے مشترکہ لائحہ عمل دے ذریعے حکمت عملی تیار اتے سفارشات مرتب کیتیاں ونڄن ۔چیئرمین سینیٹ محمد صادق سنجرانی آکھیے پاکستان آئی پی یو دے مشن دے مطابق امن، جمہوریت، انسانی حقوق، صنفی مساوات اتے پائیدار ترقی دے ودھارے کیتے پرعزم اے۔

مضمون کا ماخذ : پریمیوس لوٹومینیا

متعلقہ مضامین