پاکستان پائیدار اتے جامع ترقی دے وژن اتے سرمایہ کار دوست پالیسیاں تے عمل کریندا پئے ، نگراں وزیراعظم انوارالحق کاکڑ دی مختلف چینی کمپنیاں دے سربراہان نال ڳالھ مہاڑ

بیجنگ ۔19اکتوبر(اے پی پی) نگراں وزیراعظم انوارالحق کاکڑ آکھیے جو پاکستان پائیدار اتے جامع ترقی دے وژن اتے سرمایہ کار دوست پالیسیاں تے عمل کریندا پئے ، خصوصی سرمایہ کاری سہولت کونسل غیرملکی سرمایہ کاراں دی سہولت کیتے ون ونڈو پلیٹ فارم دے طور تے کم کریسی ، چینی سرمایہ کاراں کوں پاکستان اچ زراعت، قابل تجدید توانائی، ٹیکسٹائل، ڈیجیٹل معیشت اتے کان کنی دے شعبیں اچ سرمایہ کاری دے موقع توں فیدہ چاوݨا چاہیدے ۔ اے ڳالھ انہاں تریجھے بیلٹ اینڈ روڈ فورم (بی آر ایف) دے موقع تے مختلف چینی کمپنیاں دے سربراہان نال ڳالھ مہاڑ کریندے ہوئیں آکھی اے جنہاں وزیراعظم نال ملاقات کیتی ۔ وزیراعظم نال ملاقات کرݨ آلیں اچ من میٹلز، ایم سی سی، چائینہ کمیونیکیشن کنسٹرکشن کمپنی (سی سی سی سی)، چائینہ روڈ اینڈ برج کارپوریشن (سی آر بی سی)، سی او ایف سی او، امر انٹرنیشنل گروپ، پاور چائینہ، چائینہ انرجی اتے چائینہ گیزوبا گروپ دے چیف ایگزیکٹو افسران اتے سربراہان شامل ہن۔ وزیراعظم چینی کاروباری شخصیات کوں معاشی تے مالیاتی استحکام کیتے پاکستان دے اقدامات بارے ݙسایا ۔ وزیراعظم پائیدار تے جامع ترقی سانڳے پاکستان دے وژن دی ڳالھ کریندے ہوئیں آکھیے جو پاکستان سرمایہ کار دوست پالیسیاں تے عمل کریندا پئے جیں کیتے خصوصی سرمایہ کاری سہولت کونسل دا قیام عمل اچ گھن آیا ڳئے جیڑھا جو غیرملکی سرمایہ کاری اچ سہولت سانڳے ون ونڈو پلیٹ فارم دے طور تے کم کریسی ۔

مضمون کا ماخذ : نتیجہ یہ ہے کہ

متعلقہ مضامین