کشمیریاں دے حق اچ سیکورٹی کونسل دیاں قرارداداں موجود ہن، جنہاں تے عملدرآمد تھیونڑ چاہیدے،وزیر خارجہ شاہ محمود قریشی

اسلام آباد ۔ 26 جنوری (اے پی پی) وزیر خارجہ شاہ محمود قریشی آکھیے جو کشمیری عوام دیاں قربانیاں رائیگاں کائناں تھیونڑ ڈیسوں ،ہر اہم علاقائی اتے انٹرنیشنل فورم تے مظلوم کشمیریاں دے حق اچ آواز بلند کریندے راہسوں۔ کشمیریاں توں حق آزادی کھسنڑ اتے نہتے کشمیریاں دے خون نال ہتھ رنگن آلا بھارت کیہڑے منہ نال یوم جمہوریت دی گالھ کریندے ۔ہفتے کوں اپنڑے ہک بیان اچ وزیر خارجہ آکھیا جو اج کشمیری ساری دنیا اچ بھارت دے یوم جمہوریہ کوں یوم سیاہ دے طور تے منیندے پن۔ مقبوضہ جموں تے کشمیر اچ بھارتی فوج کشمیریاں کوں اج وی اپنڑے ظلم دا نشانہ بنڑیندی پی ہے۔انہاں آکھیاجو کشمیریاں دے حق اچ سیکورٹی کونسل دیاں قرارداداں موجود ہن جنہاں تے عملدرآمد تھیونڑ چاہیدے۔ کشمیریاں توں حق آزادی کھسنڑاتے نہتے کشمیریاں دی رت نال ہتھ رنگن آلا بھارت کیہڑے منہ نال یوم جمہوریہ دی گالھ کریندے ۔وزیر خارجہ آکھیا جو جمہوریت دے دعوے کرنڑ آلے بھارت مقبوضہ جموں کشمیر اچ ظلم دی بدترین مثال قائم کیتی ہے۔کشمیری عوام دیاں قربانیاں رائیگاں کائناں ونجنڑ ڈیسوں ،ہر اہم علاقائی اتے عالمی فورم تے مظلوم کشمیریاں دے حق اچ گالھ کریندے راہسوں۔یاد رہوے جو ساری دنیا اچ کشمیریاں ہفتے کو ں بھارت دا 70واں یوم جمہوریہ یوم سیاہ دے طور تے منایااتے بھارتی ظلم دے خلاف احتجاجی ریلیاں کڈھیاں۔

مضمون کا ماخذ : loteria Ceará

متعلقہ مضامین