تریمتاں انفارمیشن ٹیکنالوجی دے شعبے اچ آپݨے کیتے موقع ڳولن ،بیگم ثمینہ علوی دا فضائیہ بلقیس کالج دی تقریب توں خطاب

اسلام آباد۔9مارچ (اے پی پی):بیگم ثمینہ علوی تریمتاں تے زور ݙتے جو او معیشت دے مستقبل دے طور تے انفارمیشن ٹیکنالوجی دی اہمیت دے پیش نظر ایں شعبے اچ آپݨے کیتے موقع تلاش کرن ، آئی ٹی اچ مہارت پاکستان کیتے آپݨی معیشت کوں بہتر بݨاوݨ تے برآمدات ودھاوݨ دیاں کوششاں اچ معاون ثابت تھی سڳدی اے ۔ خمیس کوں اتھاں پی اے ایف بیس نور خان اچ فضائیہ بلقیس کالج آف ایجوکیشن تریمتاں دے 30ویں کانووکیشن دی تقریب توں خطاب کریندے ہوئیں انہاں آکھیے ملک دی یونیورسٹیاں کوں سائبر سکیورٹی، آرٹیفیشل انٹیلی جنس، کلاؤڈ کمپیوٹنگ اتے ڈیٹا اینالیٹکس تے توجہ ݙیوݨ دی لوڑھ اے کیوں جو دنیا کوں انہاں شعبیں اچ ہنر مند پیشہ ور لوکاں دی لوڑھ اے بیگم ثمینہ علوی آکھیے ودھ توں ودھ کمپنیاں، کاروباراں، حکومتاں تے نجی اداریں اپݨے روزمرہ دے معمولات اچ آئی ٹی ٹولز کوں اپنائے تے مستقبل اچ بئی وی زیادہ کمپنیاں ڈیجیٹل ذرائع دے پاسے ودھسن ۔

مضمون کا ماخذ : estatisticas lotomania

متعلقہ مضامین