اسلام آباد۔31اگست (اے پی پی):صدر مملکت ڈاکٹر عارف علوی ملک اچ نفسیاتی صحت بہتر بݨاوݨ سانڳے مشاورت دیاں سہولتاں ݙیوݨ دی لوڑھ تے زور ݙیندے ہوئیں آکھیے جدید ٹیکنالوجی، مصنوعی ذہانت اتے چیٹ باٹس دی مدد توں نفسیاتی صحت دی بنیادی سہولتاں لوکاں تئیں پڄائیاں ونڄ سڳدن ۔ایوان صدر دے پریس ونگ موجب صدر مملکت اے ڳالھ ایوان صدر اچ نگران وزیر صحت ڈاکٹر ندیم جان نال ملاقات اچ آکھی اے ۔ صدر مملکت اتے نگراں وفاقی وزیرصحت قومی صحت دے مختلف امور تے ڳالھ مہاڑ کیتی ۔ صدر مملکت آکھیے بریسٹ کینسر، ودھدی آبادی اتے نفسیاتی صحت تے خصوصی توجہ ݙیوݨ دی لوڑھ اے ۔ صدر مملکت اتے نگراں وزیرصحت غذائیت، ٻالاں دی ذہنی و جسمانی کمزوری ، خصوصی لوکاں دی بحالی کیتے تجویزاں تے ڳالھ مہاڑ کیتی۔