اسلام آباد۔8نومبر(اے پی پی):پاکستان ھک واری ول یوکرین دے جھیڑے دے مذاکراتی حل دی لوڑھ تے زور ݙیندے ہوئیں اے ڳالھ واضح کیتی اے جو اوں نہ تاں یوکرین کوں اسلحہ ݙتے تے نہ ہی ایندا کوئی ارادہ اے ۔ دفتر خارجہ دی ترجمان ممتاز زہرہ بلوچ ٻدھ کوں میڈیا دے سوالاں دا جواب ݙیندے ہوئیں آکھیے یوکرین دے جھیڑے دے مذاکراتی حل دی لوڑھ تے زور ݙتے تے آکھیے جو پالیسی دے لحاظ نال پاکستان جھیڑے دے شکار خطے کوں ہتھیار نی ݙیندا ۔ ترجمان آکھیے ایں نہ تاں یوکرین کوں اسلحہ ݙتے تے نہ ہی ایندا ارادہ اے ۔ انہاں آکھیے ایں سانڳے پاکستان اتے یوکرین دے وزرائے دفاع وچال ایں موضوع تے 7 نومبر کوں ٹیلی فون تے ڳالھ مہاڑ اچ کوئی ایہو سویں ڳالھ نی کیتی ڳئی۔