اسلام آباد۔19اکتوبر (اے پی پی):وزیر خارجہ مخدوم شاہ محمود قریشی آکھیے جو اڄ دا ݙینھ اللہ سبحان تعالیٰ دے حضور سجدہ ء شکر کرݨ دا ݙینھ اے ایں پاک پروردگار اساکوں نبی آخرالزمان صلی اللہ علیہ والہ وسلم دا امتی ہووݨ دا شرف بخشیے،زندگی دے ہر میدان اچ سرکار دو عالم صلی اللہ علیہ والہ وسلم دی سیرت طیبہ ساݙے کیتے بہترین نمونہ اے ، اے ڳال انہاں عید میلاد النبی صلی اللہ علیہ والہ وسلم دے موقع تے آپݨے پیغام اچ آکھی اے ۔ وزیر خارجہ عید میلاد النبی صلی اللہ علیہ والہ وسلم دے مقدس موقع تے پاکستانی قوم اتے ساری امت مسلمہ کوں دلوں مبارخ ݙتی ۔ انہاں آکھیے جو اڄ دا ݙینھ اللہ سبحان تعالیٰ دے حضور سجدہ ء شکر ادا کرݨ دا ݙینھ اے پاک پروردگار اساکوں نبی آخرالزمان صلی اللہ علیہ والہ وسلم دا امتی ہووݨ دا شرف بخشیے۔ مخدوم شاہ محمود قریشی آکھیے جو اللہ تعالیٰ ، آپ صلی اللہ علیہ والہ وسلم کوں صرف مسلماناں کیتے ہی نی بلکہ سارے جہاناں کیتے رحمت بݨا تے بھیجے ۔ زندگی دے ہر میدان اچ سرکار دو عالم صلی اللہ علیہ والہ وسلم دی سیرت طیبہ اساں کیتے بہترین نمونہ اے ۔ حضور صلی اللہ علیہ والہ وسلم دی حیات طیبہ دی پیروی ہی دنیا اتے آخرت دی کامیابی دی ضامن اے۔ انہاں آکھیے اڄ فضاواں درود و سلام دے نذرانے توں معطر ہن۔