پاکستان ہک ݙاھاکے اچ ڄڳ دی اڳواݨی کرݨ دے قابل تھی ویسی، صدرمملکت ڈاکٹرعارف علوی دا رفاہ یونیورسٹی دے کانووکیشن نال خطاب

President Dr Arif Alvi addressing the 18th Convocation ceremony of the Riphah International University, Islamabad, on 18-11-2023.

اسلام آباد۔18نومبر(اے پی پی)صدر مملکت ڈاکٹر عارف علوی آکھیے جو اڄ دے دور اچ جدید علوم وفنون دے در کھل گئن جیندے اچ ماہرین کوں ترقی اتے خوشحالی دے نویں پندھ شروع کرݨ دا حوصلہ اتے ودھ مواقع ملین، جدید ذرائع تعلیم کوں تیکھے استعمال کرݨ نال پاکستان ہک ݙاھاکے اچ ڄڳ دی اڳواݨی کرݨ دے قابل تھی ویسی۔ اے ڳالھ انہاں جناح کنونشن سینٹر اسلام آباد اچ رفاہ انٹرنیشنل یونیورسٹی دے 18ویں کانووکیشن نال خطاب کریندے آکھی۔ انہاں آکھیا جو اڄ دے نوجوان ملکی ترقی کوں تیکھا کرݨ کیتے جدید علوم، علم و تحقیق، انفارمیشن ٹیکنالاجی تے توجہ ݙیون، مصنوعی ذہانت اتے ٻئے جدید علوم نال رہنمائی ڳھدی ونڄ سڳدی اے جو انسانی وسائل ودھن اتے ملک ترقی کرے۔ انہاں ملک اچ سکولاں توں ٻاھرو رہ ونڄݨ آلے 28 ملین ٻالاں دی صورتحال تے چنتا کریندے زور ݙتے جو ایں مسلے نال نمٹݨ کیتے آن لائن اتے ورچوئل طرز تعلیم کوں ودھایا ویندے اتے ایندے کیتے اعلیٰ تعلیمی کمیشن تیکھے آن لائن تعلیم بارے پالیسی جاری کرے۔

مضمون کا ماخذ : میگا سینا اکمولاڈا

متعلقہ مضامین