سیاسی تے معاشی تسلسل دے بغیر ترقی نی تھی سڳدی، ترقی کیتے اساکوں پالیسیاں دے تسلسل دی اہمیت کوں سمجھݨا پوسی، احسن اقبال

اسلام آباد۔20جون (اے پی پی) وفاقی وزیر برائے منصوبہ بندی ترقی تے اصلاحات وخصوصی اقدامات احسن اقبال آکھیا جو سیاسی تے معاشی تسلسل دے بغیر ترقی نی تھی سڳدی، ترقی کیتے اساکوں پالیسیاں دے تسلسل دی اہمیت کوں سمجھݨا پوسی۔ وژن 2025 ء تے عمل تھیندا تاں پاکستان 25 بہترین معیشتاں اچ ہوندا۔ اے ڳالھیں انہاں سنوار کوں گرینڈ نیشنل ڈائیلاگ دے تحت پاکستان دی اقتصادی صلاحیت کوں بہتر ٻݨاوݨ بارے سیمینار نال خطاب کریندیں ہوئیں آکھی۔ وفاقی وزیر آکھیا جو پاکستان 2000 دے بعد ہک جنگ اچ چلا ڳئے، اساں کئی سال ضائع کیتن۔ 2006ء دے بعد توانائی بحران آئے۔ اڄ اساں چار سال بعد حکومت سنبھالی اے تاں ترقیاتی بجٹ 550 ارب رہ ڳئے ، ترقیاتی بجٹ کیتے وی وزارت خزانہ دا سرکلر آڳئے جو چھیکڑی ترائے مہینے کیتے رقم کائنی۔ اے تاریخ اچ پہلی واری تھیے۔ اڄ اساں 75 ویں سالگنڈھ منیندے پیوں پر اساں ماضی توں نی سکھیا۔

مضمون کا ماخذ : números da sorte loteria

متعلقہ مضامین