سکھر۔6نومبر (اے پی پی) وفاقی وزیر برائے آبی وسائل خورشید احمد شاہ گھوٹکی اچ ڈاکواں دے پولیس کیمپ تے حملے دی مذمت کیتی اے۔ آݙت وار کوں آپݨے بیان اچ وفاقی وزیر آکھیا جو ڈی ایس پی سودھے پولیس افسراں تے اہلکاراں دی شہادت وطن کیتے انمول قربانی اے۔ شہیداں دے ٹٻراں دے ݙکھ اچ برابر دے شریک ہیسے اتے زخمیاں دی جلدی ٹھیک کیتے دعا کریندوں۔ انہاں آکھیا جو سندھ پولیس دے بے مثال قربانیاں کوں ہمیش یاد رکھیا ویسی۔