نواں قومی ہکوسواں نصاب ملک اچ پہلے توں رائج انگلش میڈیم نصاب توں چنگاں ہوسی ، وفاقی وزیر شفقت محمود

اسلام آباد ۔ 11 فروری (اے پی پی)وفاقی وزیر وفاقی تعلیم و پیشہ وارانہ تربیت شفقت محمود امید ظاہر کیتی اے جو نواں قومی ہکو سواں نصاب ملک اچ پہلے توں رائض انگلش میڈیم نصاب توں بہتر ہوسی ۔او منگل کوں چار ڈینھ وار کانفرنس ہکو سواں قومی نصاب (پہلی توں 5ویں جماعت ) دی افتتاحی تقریب نال خطاب کریندے پئے ہن جیں دا سلوگن ”ہک قوم ہک نصاب“ رکھا گے۔ وفاقی وزیرآکھیے جو اے تاریخی ڈینھ اے جو ساں ہکو سواں تعلیمی نظام ملک اچ متعارف کراونڑ اچ کامیاب رہ گیوں جیں نال معاشرے اچ نویں اصلاحات پیدا کرنڑ اچ مدد مل ویسی ۔ انہاں اپنڑی نویں نسل تے فخر کریندے ہوئیں اینکوں باصلاحیت قرار ڈتے ۔ وفاقی وزیر آکھیے جو وزیراعظم عمران خان کوں ایں گال دا ادراک اے جو ملک اچ رائج مختلف نصاب معاشرہ اچ ونڈ پیدا کریندا پئے تے اے معاشرہ تے طبقے اچ خلیج ہک وڈی وجہ بنڑدی پئی اے ،ایں صورت حال کوں سامنڑے رکھیندے ہوئیں وزیراعظم انہاں کوں نویں قومی نصاب دیاں ذمہ واریاں ڈتیاں تاں جو ہک قوم دے خواب دی تعبیر کوں یقینی بنڑایا ونج سگے ۔ شفقت محمود آکھیے جو نواں ہکو سواں تعلیمی نصاب اپریل 2021ءتئیں نافذ تھی ویسی۔

مضمون کا ماخذ : لاٹری جیتنے کی حکمت عملی

متعلقہ مضامین