پاکستان توں ودھ کوئی ملک افغانستان اچ امن اتے استحکام دا خواہشمند کائنی ،پرامن اتے مضبوط افغانستان کیتے پاکستان بھرپور حمایت کریسی ، وزیراعظم عمران خان دی افغانستان نال تعلق رکھݨ آلے سیاسی رہنماواں نال ملاقات اچ ڳال مہاڑ

اسلام آباد۔17اگست (اے پی پی):وزیراعظم عمران خان آکھیے جو پاکستان توں ودھ کوئی ملک افغانستان اچ امن اتے استحکام دا خواہشمند کائنی ،پرامن اتے مضبوط افغانستان کیتے پاکستان بھرپور حمایت کریسی ، افغانستان اچ پائیدار امن، استحکام اتے ترقی کیتے افغان رہنماواں تے وی باری ذمے واری لڳدی اے ، او منڳل کوں افغانستان نال تعلق رکھݨ آلے سیاسی رہنماواں نال ڳال مہار کریندے پئے ہن جنہاں منڳل کوں انہاں نال ملاقات کیتی۔ سیاسی رہنماواں دے وفد دا خیرمقدم کریندے ہوئیں وزیر اعظم عمران خان دین، تاریخ، جغرافیہ ، ثقافت تے رشتے داری دے مضبوط رابطے دے ذریعے پاکستان دے عوام دی طرفوں برادر افغان عوام کیتے بھرپور حمایت اتے یکجہتی دا اظہار کیتے۔ وزیراعظم آکھیے جو پاکستان توں ودھ کوئی ملک افغانستان اچ امن اتے استحکام دا خواہشمند کائنی ۔ وزیر اعظم آکھیے جو موجودہ صورتحال اچ افغان رہنماواں تے وݙی ذمے واری اے جو او افغانستان کوں پائیدار امن ، استحکام تے ترقی دے پاسے ٹورݨ کیتے تعمیری طور تے رل تے کم کرن ۔ وزیراعظم افغانستان اچ جامع سیاسی حل کیتے سارے فریقین دے رل تے کم کرݨ دی اہمیت تے زور ݙتے ۔ پرامن اتے مستحکم افغانستان کیتے پاکستان دے عزم دا اعادہ کریندے ہوئیں وزیر اعظم عمران خان یقین ݙیوائے جو پاکستان ایں سلسلے اچ کیتیاں ونڄݨ آلیاں کوششاں دی بھرپور حمایت کریسی ۔ وفد دے اراکین وزیر اعظم دا شکریہ ادا کیتے اتے امن کوششاں سانگے پاکستان دی حمایت دی تعریف کیتی ۔

مضمون کا ماخذ : میگا ملینز کے نمبر

متعلقہ مضامین